| e-texts navigator |
| བོད་ཡིག |
227b1 byed/ bkur sti byed/ bla mar byed ces bya ba'i bar du rgyas par sbyar te/ 'di ni de'i snga ltas yin no// 'di la chos nyid ni 'di yin te/ de la 'di skad ces bya'o// gang che rgyal bar bu ni gtsug rto
227b2 ldan/ / ljags kyang ring zhing srab pa gang las gyur// srog chags ma bsad ma byin ma blangs dang // 'dod la log par ma spyad brdzun ma byas// chang btung ba yang rtag tu spangs byas nas/
227b3 mang po gzhan rnams kyang ni de la btsud// las dge bde ba skyed par byed pa 'di// tshe rabs gzhan dag tu ni ston pas mdzad// las kyi rnam smin des na rgyal ba yi// ljags kyang ring zhing
227b4 srab la gtsug tor ldan/ / ci'i phyir byang chub sems dpas skyes bu chen po'i mtshan tshangs pa'i dbyangs thob ce na/ smras pa/ byang chub sems dpas ni sngon gyi srid pa zhes bya ba
227b5 nas/ rgyas par sbyar te/ tshig rtsub po spangs nas/ tshig rtsub po las phyir log ste/ de zhe gcod pa'i tshig rtsub po dang / gzhan gyis mi bzod pa dang / gzhan tshig pa za bar 'gyur ba
227b6 dang / skye bo mang po mi 'dod pa dang / skye bo mang po yid du mi 'thad pa dang / skye bo mang po mi dga' ba dang / skye bo mang po'i yid du mi 'ong ba dang / mnyam par gzhag pa ma yin pa dang
227b7 ting nge 'dzin du mi 'gyur ba gang yin pa de lta bu'i tshig rnams spangs nas/ tshig snyan pa dang / rnar snyan pa dang / yid la 'bab pa dang / dga' bar byed pa dang / pho brang 'khor gyi skad dang /
iiif viewer powered by OpenSeadragon
Texts on this page
S316 - rgyu gdags pa