| e-texts navigator |
| བོད་ཡིག |
220a1 gzhan dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag la bca' ba dang / bza' ba zhim po rnams byin pa dang
220a2 khang khyim bzang po rnams dang / gding ba dang / bgo ba dang / zas dang / skom dang / bca' ba dang / bza' ba dang / gos dang / spos dang / byug pa dang / mal cha dang / stan dang / gnas
220a3 dang / mar me bzang po rnams kyis sems kyi rgyud rnam par dag pas chos rnam par dag pa dang ldan pa'i sems can rnams la bya ba byas pa dang / gzhan yang byang chub sems dpa' khro ba med cing
220a4 bro gnyer dang bral bar gyur te/ de las de dang yang dag par blangs pa de lta bu dang / yang dag par bzung ba de lta bus lus zhig nas/ dga' ldan gyi lha rnams dang skal ba mnyam par skye'o// de der skye
220a5 nas ring po ma lon par dga' ldan gyi ris kyi lha sngar skyes pa rnams las lha'i gnas gsum gyis 'phags te/ gsum gang zhe na/ 'di lta ste/ lha'i tshe dang / lha'i kha dog dang / lha'i grags pas
220a6 'phags so/ / de der tshe'i tshad ji tsam pa de srid du gnas te/ de der tshe'i tshad ji tsam pa de srid du gnas nas/ de nas shi 'phos te khams 'dir mi rnams dang skal ba mnyam par skye'o// de 'dir
220a7 rgyal po'i pho brang ngam/ mdun na 'don gyi khyim du skye bar 'gyur te/ der byang chub sems dpa' dis skyes bu chen po'i mtshan gser gyi mdog dang / 'od 'dom gang ba gnyis thob par 'gyur ro// de'i
iiif viewer powered by OpenSeadragon
Texts on this page
S316 - rgyu gdags pa