| e-texts navigator |
| བོད་ཡིག |
208a1 de dag yin te/ skyes bu chen po'i mtshan de dag dang ldan na/ rnam pa gnyis su 'gyur gyi/ gzhan du mi 'gyur te/ gal te khyim par 'dug cing khyim na gnas na ni/ 'khor lo sgyur
208a2 ba'i rgyal po mtha' bzhir rgyal ba/ chos kyi rgyal po chos dang ldan pa rin po che sna bdun dang ldan par 'gyur ro// de'i rin po che sna bdun ni 'di lta bu yin te/ 'di lta ste/ 'khor lo rin po che dang / glang
208a3 po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa ste blon po rin po che'o// de'i bu ni stong zam pa yod do// dpa' ba/ rtul phod
208a4 pa/ yan lag mchog gi gzugs dang ldan pa/ pha rol gyi sde rab tu 'joms pa sha stag go/ de ni rgya mtsho la thug pa'i sa chen po ma lus pa gnod par sngo ba med cing 'tshe ba med pa 'di nyid chad pa med
208a5 cing mtshon gyis bda' ba med la/ chos dang 'thun zhing snyoms par legs par phab ste gnas so// gal te skra dang kha spu rnams bregs te/ gos ngur smrig dag bgos nas dad pas khyim nas
208a6 khyim med par legs pa kho nar rab tu byung na ni/ 'jig rten 'dir de bzhin gshegs pa dgra bcom pa yang dag par rdzogs pa'i sangs rgyas su 'gyur te/ sgra cher grags par 'gyur ro// bcom ldan
208a7 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to// thub chen bdag nyid rab bsgoms pa// lus kyi tha ma
iiif viewer powered by OpenSeadragon
Texts on this page
S316 - rgyu gdags pa