| e-texts navigator |
| བོད་ཡིག |
204b1 de'i tshe dge slong mang po rim gro'i khang par 'dug ste/ 'khod pa'i rnams kyis skabs su gtam 'di lta bu zhig glengs te/ tshe dang ldan pa dag skyes bu chen po'i mtshan sum cu rtsa gnyis dang ldan pa'i skye
204b2 bu chen po ni rnam pa gnyis su 'gyur gyi/ gzhan du mi 'gyur te/ gal te khyim par 'dug cing khyim na gnas na ni/ 'khor lo sgyur ba'i rgyal po mtha' bzhir rgyal ba/ chos kyi rgyal po chos dang ldan
204b3 pa rin po che sna bdun dang ldan par 'gyur ro/ / de'i rin po che sna bdun ni 'di lta bu yin te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med
204b4 rin po che dang / khyim bdag rin po che dang / bdun pa ste blon po rin po che'o// de'i bu ni stong tham pa yod do// dpa' brtul phod pa dang yan lag mchog gi gzugs dang ldan pa/ pha rol gyi sde rab tu
204b5 'joms pa sha stag go/ / de ni rgya mtsho chen po la thug pa'i sa chen po ma lus pa/ gnod par sngo ba med cing 'tshe ba med pa 'di ni chad pa med cing mtshon gyis bda' ba med la/ chos dang 'thun zhing snyoms pas
204b6 legs par phab ste gnas so/ / gal te skra dang kha spu rnams bregs te/ gos ngur smrig dag bgos nas/ dad pas khyim nas khyim med par legs pa kho nar rab tu byung na ni/ 'jig rten 'dir de bzhin
204b7 gshegs pa dgra bcom pa yang dag par rdzogs pa'i sangs rgyas su 'gyur te/ sgra cher grags par 'gyur ba de ni ngo mtshar to zhes glengs so// dge slong mang po rim gro'i khang par 'dus te/ 'khon
iiif viewer powered by OpenSeadragon
Texts on this page
S316 - rgyu gdags pa