| e-texts navigator |
| བོད་ཡིག |
178b1 ji ltar khang steng g.yog nyes na// char pa yongs su 'dzag pa ltar// de bzhin sems ni ma bsgoms pa// sred pa rnams kyis yongs su bcom// ji ltar khang steng g.yog legs na// char pa rnam
178b2 par mi 'dzag pa/ / de bzhin legs par bsgoms pa'i sems// sred pa rnams kyis yongs mi choms// chos kyi sngon du yid 'gro ste// yid 'gyogs yid ni gtso bo yin// gal te yid rab
178b3 gtugs pa yis/ / smras sam yang na byas kyang rung // de yis de ni sdug bsngal 'thob// 'khor los mgo bo bcad pa bzhin// chos kyi sngon du yid 'gro ste// yid mgyogs yid ni gtso bo yin//
178b4 gal te yid rab dang ba yis// smras sam yang na byas kyang rung // de yis de ni bde ba thob// grib ma rjes su 'brang ba bzhin// brtsad pa ched cher 'dzin pa dang // sems ni nyon mongs gyur pa yis// /
178b5 glags skabs tshol bar byed pa yis// legs bshad legs par mi shes so// sdang ba'am yang na 'khrug pa 'am// dad pa med pa'i sems dag gis// rdzogs sangs rgyas kyis bstan pa yis//
178b6 dam chos kun shes mi nus so// gang gis bag med sems dang ni// khro ba rnam par btul ba dang // 'di na gnod sems rab spangs pa// des ni legs par bshad pa shes// sems kyi brtan pa
178b7 med pa yis/ / dam chos rnam par shes mi 'gyur// dad pa 'gyur ldog byed pa yis// shes rab yongs su rdzogs mi 'gyur// kun rtog la chums rten pa yi// lta ngan sum cu rtsa drug gis//
iiif viewer powered by OpenSeadragon
Texts on this page
S314 - ched du brjod pa'i tshoms