| e-texts navigator |
| བོད་ཡིག |
176a1 las rims nad rnam par bsal/ / sems kyis zhib thob pa rnams// nye bar zhi zhing bde bar 'dug/ gang zhig bde bar yangs 'dod cing // bde ba chung ngu gtong 'dod pa'i/
176a2 brtan pas bde chung spang byas na// bde ba yangs pa legs par mthong // 'jig rten 'dod bde gang yin dang // lha yul bde ba gang yin pas// sred pa zad pa'i bde ba de'i// bcu drug char yang mi phod na
176a3 khur gyis sdug bsngal blangs pas na/ / khur bor na ni bde bar 'gyur// lci ba'i khur dag nges bor na// phyi nas gzhan dag len mi 'gyur// kun sbyor thams cad zad bya'i phyir// sred pa thams cad
176a4 rab tu spangs/ / phung po thams cad yongs shes na// srid pa phyi mar 'gro ba med// don rnams bskrun pa la ni grogs ldan bde// srog dag rab tu gtugs la bsod nams bde// ngan ngon tsam
176a5 gyis legs par chog shes bde/ / sdug bsngal thams cad nges par nub pa bde// 'di na me ni 'bar ba la// lcags kyi tho bas brgyab pa yis// rim gyis nye bar zhi 'gyur te// ji ltar song ba ma shes
176a6 ltar/ / 'dod pa'i 'dam rdzab chu rgal cing // go 'phang mi g.yo thob pa dang // legs par rnam par grol rnams kyi// 'gro ba gdags su med pa yin// gang zhig khong na 'khrugs pa med pa dang /
176a7 gang zhig srid dang srid min las log pa// de dag 'jigs bral bde zhing mya ngan med// lhas kyang blta zhing bsal du med par 'gyur// 'di na gang dag chos mang thos pa dang // rtogs shing ci yang
iiif viewer powered by OpenSeadragon
Texts on this page
S314 - ched du brjod pa'i tshoms