| e-texts navigator |
| བོད་ཡིག |
150a1 yi/ / grogs po mkhas pa gal te rnyed na ni// nyon mongs thams cad mngon par zil mnan nas// dran ldan dga' ba'i yid kyis de dang spyad// brtan pa legs gnas lhan cig
150a2 spyad pa yi/ / grogs po mkhas pa gal te ma rnyed na// yul 'khor yangs pa spangs pa'i rgyal po ltar// gcig pus spyad bya sdig pa mi bya'o// bdag dang 'thun par spyod pa yi// grogs bzang rnyed
150a3 par ma gyur na/ / byis pa grogs su mi 'gyur bas// gcig pus spyod pa brtan par bya// byis pa grogs su mi 'gyur bas// gcig pu spyod pas byed bla bas// mo tang dgon pa'i glang po ltar/
150a4 sems khral bskyangs te gcig pu spyad// 'khu ba'i tshoms te bcu bzhi pa'o// / sangs rgyas kyis ni bstan pa bzhin// gang zhig dbugs dbyung brngub dran pa// yongs su rdzog
150a5 bas legs bsgoms pas/ / rim gyis yongs su byang gyur te// sprin bral nyi ma zla ba ltar// 'jig rten 'dir kun nas gsal// 'greng dang 'dug dang de bzhin nyal ba dang // lus dang de bzhin
150a6 sems ni 'jog byed cing / / dge slong dran pa de logs 'jog pa na// snga phyi'i khyad par rnams ni 'thob par 'gyur// snga phyi'i khyad par rnams ni thob gyur nas// 'chi bdag rgyal pos bltar yang
150a7 med par 'gro/ / lus gtogs dran pa nye bar bzhag nas su// reg pa'i skye mched drug ni bsdams byas te// gang zhig rtag tu mnyam par 'jog byed pa// de bdag nyid kyis mya ngan 'das pa rtogs//
iiif viewer powered by OpenSeadragon
Texts on this page
S314 - ched du brjod pa'i tshoms