rKTs

e-texts navigator

Volume

Page

136b₁ 'gyur/ / de las gang dag shes rab kyis// ldog byed de dag tshim pa 'thob// 'dod pas ngoms par mi 'gyur bas// shes rab kyis ni ngoms pa skyid// shes rab kyis ni ngoms pa'i mi// srid pa'i
136b₂ dbang du mi 'gyur ro/ / 'dod la chags pa'i mi gang yin// de dag kye ma chos min dga'// cung zad gson por 'dug pa na// bar chad mthong bar mi 'gyur ro// blo ngan longs spyod kyis bcom pas/
136b₃ pha rol tshol bar mi byed cing // bsam brlag 'dod la sred pa yis// bdag dang gzhan yang phung bar byed// kar sha pa Na'i char babs kyang // 'dod pa rnams kyis ngoms mi 'gyur// 'dod pa
136b₄ mnog chung nyes mang bar/ / mkhas pa rnams kyis khong du chud// lnga yi 'dod pa rnams la yang // lhag par dga' bar mi 'gyur gyi// rdzogs sangs rgyas dang nyan thos rnams// sred pa zad pas
136b₅ dgyes par 'gyur/ / gangs can dang ni mnyam pa yi// gser gyi ri bo yod gyur kyang // nor des gcig kyang mi tshim par// rtogs par gyis la legs par spyod// gang dag sdug bsngal de yi rgyus
136b₆ shes par/ / de dag nam yang 'dod la dga' mi 'gyur// 'jig rten dag na zug rngu'i rgyur shes nas// de dag gdul phyir brtan pa slob par byed// 'dod pa'i tshems te gnyis pa'o// /
136b₇ / lus can rnam par rtogs pas rab bcom pa// 'dod chags mi bzang gtsang bar rjes lta bas// 'dod chags phyir zhing rab tu 'phel 'gyur te// rang gi 'ching ba de yis dam por byed/

_{iiif viewer powered by OpenSeadragon}

136a - 137a

Texts on this page