rKTs

e-texts navigator

Volume

Page

134b₁ phyi rol nang na bdag med na// su yi bu yin ci zhig nor// skyes pa bud med rnams kyi rigs// brgya dang stong phrag mang po dang // longs spyod legs par bsgrubs pa yang // 'chi bdag dbang du
134b₂ 'gro bar 'gyur/ / bsags pa kun gyi mtha' zad cing // bslang ba'i mtha' ni 'gyel bar 'gyur// phrad pa'i mtha' ni 'bral ba ste// gson pa'i mtha' ni 'chi ba yin// gson mtha' 'chi ba
134b₃ yin pas na/ / sems can thams cad 'chi 'gyur zhing // dge sdig 'bras bu nyer 'gro ba'i// ji bzhin las kyi rjes su 'brang // sdig pa'i las kyis dmyal ba dang // bsod nams byas pa
134b₄ bde 'gro ste/ / gzhan dag gis ni lam bsgoms pas// zag med mya ngan 'das par 'gyur// gang yang sangs rgyas rang sangs rgyas// sangs rgyas rnams kyi nyan thos kyang // sku lus 'di
134b₅ ni spong mdzad na/ / skye bo phal pa smos ci dgos// gang du gnas kyang 'chi bas mi tshugs pa'i// sa phyogs de ni yod pa ma yin te// bar snang la med rgya mtsho'i nang na med// ri bo rnams kyi gseb
134b₆ tu zhugs na'ang min/ / byung dang 'byung bar 'gyur ba ji snyed pa// kun gyis lus 'di btang nas 'gro ba dang // de kun 'jig par mkhas pas rtogs kyis te// chos la gnas kyis tshangs par
134b₇ spyad pa spyod/ / rga ba mthong zhing nad kyis sdug bsngal dang // sems dang bral ba'i shi ba mthong nas ni// brtan pas btson ra 'dra ba'i khyim spangs kyi// 'jig rten phal pas 'dod spang nus re skan//

_{iiif viewer powered by OpenSeadragon}

134a - 135a

Texts on this page