| e-texts navigator |
| བོད་ཡིག |
134a1 bu smin pa ltung ba bzhin/ / dper na 'bras bu smin pa rnams// ltung bas rtag tu 'jigs pa ltar// de bzhin skyes par gyur pa'i mi// rtag tu 'chi bas 'jigs par 'gyur//
134a2 dper na rdza ma'i mkhan po yis// 'jims pa las ni snod byas pa// thams cad tha mar 'jig pa ltar// mi rnams srog kyang de bzhin no// dper na thags ni brkyang ba las// spun ni gang dang
134a3 gang bcug pa'i/ / spun ni gting la gtugs pa ltar// mi rnams srog kyang de bzhin no// dper na nges par gsod pa dag/ gom pa gang dang gang bor bas// gsod pa'i drung du bsnyen pa ltar//
134a4 mi rnams srog kyang de bzhin no// chu klung drag tu 'bab pa'i rgyun// ldog pa med pa ji lta bar// de bzhin mi yi tshe 'gro ba// slar ni ldog par 'gyur ba med// dka' ba nyid dang thung ba dang // de
134a5 yang sdug bsngal ldan pa dag/ myur ba kho nar 'jig 'gyur te// chu la dbyug gus bris pa bzhin// dper na phyugs rdzi dbyug thogs kyis// phyugs rnams gnas su phyin byed ltar// de bzhin nad
134a6 dang rga ba yis/ / mi rnams 'chi bdag drung du skyel// chu bran gyi ni chu lta bur// nyin dang mtshan mo 'das pa yis// mi rnams tshe yang zad 'gyur zhing // srog kyang nye bar 'jig par 'gyur// me la
134a7 che byed la mtshan mo ring / / lam gyis du ba la rgyang grags ring // dam chos rnam par mi shes pa'i// byis pa rnams la 'khor ba ring // bdag la bu yod de bzhin du// nor yod ces pas byis pa brlag/
iiif viewer powered by OpenSeadragon
Texts on this page
S314 - ched du brjod pa'i tshoms