rKTs

e-texts navigator

Volume

Page

363b₁ nas 'chi bar gyur na mi rung ngo snyam dgongs nas/ rdzu 'phrul gyis phyogs der gshegs so// des bcom ldan 'das yang dag par rdzogs pa sangs rgyas zla bas 'khor lo dang / gsung drung
363b₂ dang / dga' ba 'khyil ba dang / dra bas 'brel ba/ bsod nams dpag tu med pa las byung ba skrag pa dbugs 'byin par mdzad pa'i phyag gis dge slong chos smra ba'i mgo la byugs so//
363b₃ des reg pa tsam gyis dran pa slar rnyed de de langs nas/ bcom ldan 'das dang / dge slong gi dge 'dun la bdag ni mi rigs pa'o// mi rigs pa'o zhes 'chags par brtsams so// de nas
363b₄ bcom ldan 'das yang dag par rdzogs pa'i sangs rgyas zla bas de'i tshe tshigs su bcad de gsungs pa/ skyes bu skyes pa'i kha nas ni// tshig ngan smra bar byed pa yi// tshig gi sta re skyes gyur nas
363b₅ bdag nyid gcod par byed par 'gyur/ / gang zhig smad 'os skye bo bstod byed cing // bstod 'os skye bo rnam par smod byed pa// de ni kha yis 'thab krol kun sogs shing // 'thab krol can gang
363b₆ de ni bde mi 'thob/ / gang 'dir tshe los rang nor 'pham byed pa// 'thab krol de ni cung zad tsam du zad// gang yid bde bar gshegs la yid 'khrug pa// de 'dir 'thab krol shin tu chen po
363b₇ yin/ / ngag yid 'phags pas smad pa'i sdig rten na// bye bar chu bur can dang stong phrag ni// bzhi bcu gcig tu chu bur rdol ba yi// sems can dmyal ba rnams su skye bar 'gyur// sdig

_{iiif viewer powered by OpenSeadragon}

363a - 364a

Texts on this page