rKTs

e-texts navigator

Volume

Page

95b₁ smras pa 'di la ni sbyin par 'os na/ bdag cag dbul 'phongs te ci yang med na ci zhig sbyin par bya/ chung mas smras pa/ tshe snga ma la yang sbyin pa ma byas pas/ 'di ltar
95b₂ dbul bar gyur na/ da yang sbyin pa ma byas na tshe phyi ma la gar 'gro ste/ bdag ni sbyin pa zhig byed kyis khyod kyis gnong zhig/ khyos bsams pa 'di la ni nor khung pa zhig yod pa gang
95b₃ ste/ sbyin pa gyis shig ces smras pa dang / chung mas bdag gi ras 'di sbyin par dga' bo zhes smras so// khyos smras pa/ bdag cag khyo shug gnyis la ras 'di las med de
95b₄ 'dis don gnyer zhing 'tsho bar zad na/ da sbyin par byas na gnyis ka sdod dam/ chung mas smras pa/ mi gcig skyes pa tshe 'pho ba yod pas 'di ma byin yang tshe 'pho la/ byin
95b₅ yang tshe 'pho bas nyis na sbyin pa byas te tshe 'phos na/ tshe phyi ma la re ba yod pas sbyin pa byas na tshe 'phos kyang bla'o// khyo yang dga' bzhin du sbyin pa gyis shig ces bsgo nas
95b₆ chung ma phyi rol tu song ste/ dge slong la 'di skad ces smras so// btsun pa cung zad mo gzigs shig/ bdag sbyin pa bgyi'o zhes smras pa dang / dge slong gis khyod sbyin pa byed na mngon
95b₇ sum du lag gis byin cig/ sbyin pa'i tshigs bcad bya'o zhes bsgo'o// bud med des smras pa/ lus la ras 'di las med do// 'og na gos gzhan med na bud med kyi lus

_{iiif viewer powered by OpenSeadragon}

95a - 96a

Texts on this page