rKTs

e-texts navigator

Volume

Page

82b₁ bya ba na/ dge bsnyen dkon mchog gsum la dad pa/ srog mi gcod pa/ ma byin par mi len pa/ 'dod pa log par mi g.yem pa/ brdzun du mi smra ba/ spyo ba'i//
82b₂ khu ba chang mi 'thung ba'i tshul khrims lnga bsrung ba/ yon tan dang ldan pa zhig yul de na 'dug pa las/ dge bsnyen des dge slong bsod snyoms pa de'i tshe gcig gi bar du
82b₃ 'tsho ba sbyar te/ 'tsho ba sbyar ba'i bsod nams ni myong bar 'gyur ro snyam nas/ gal te bdag gi khyim du spyan drangs te/ lam du grang ba dang tsha bas nyon mongs te sgom pa'i
82b₄ bapar chad du yang 'gyur la/ / phyis rnam par smin pa myong ba na yang / bdag gis bsams shing don du gnyer bas thob par 'gyur ro// gal te 'tsho ba gnas su bskyal na/
82b₅ phyis rnam par smin pa yang don du gnyer mi dgos par thob par 'gyur ro snyam bsams nas/ dge bsnyen de dad pa'i sems kyis zhal zas ro brgya dang ldan pa/ dri bsung dang kha dog
82b₆ dang ldan pa sna tshogs bshams te nyin gcig bzhin du skyel to/ / dge sbyong la bzang ngan rnam pa bzhi brtag dka' ba ni/ ji ltar a mra'i 'bras bu smin nam ma smin pa brtag
82b₇ dka' ba bzhin no/ / dge slong kha cig spyod lam shin tu mdzes shing / gom pa dal gyis 'gro la gnya' shing gang las mi lta yang / nang 'dod chags dang / zhe sdang dang /

_{iiif viewer powered by OpenSeadragon}

82a - 83a

Texts on this page