| e-texts navigator |
| བོད་ཡིག |
68a1 bsod nams kyis lha dang mi'i nang na bde ba'i longs spyod zad mi shes pa mthar thug pa med pa/ yid bzhin du myong zhing mthar yang mngon par 'tshang rgya'o// de cir
68a2 phyir zhe na/ rab tu byung ba'i chos ni bdud kyi 'khor med par byed cing / sangs rgyas kyi gdung gsob par byed de/ sdig pa mi dge ba'i chos med par byed cing / dge ba'i chos skyed par
68a3 byed do/ / kha na ma tho ba'i dri ma med par byed cing / bla na med pa'i bsod nams kyi las skye bar byed de/ de bas na bcom ldan 'das kyis rab tu byung ba'i bsod nams ni ri rab lhun po pas
68a4 mtho rgya mtsho bas gting zab ste/ nam mkha' bas rgya che'o zhes gsungs so// gal te su zhig rab tu byung ba'i bgegs dang bar chad byas te bsams pa ltar ma grub na/ de'i khan
68a5 ma tho ba'i las shin tu lci ba ni dper na mi zhig mun khrod du song na ci yang mi mthong ba dang 'dra bar/ de'i sdig pa'i rnam par smin pa yang de dang 'dra ste/ shin tu mi snang ba'i mun pa nag po'i
68a6 sems can dmyal bar lhung ngo / / dper na rgya mtsho'i nang du chu bo dang chu bran thams cad 'bab pa ltar/ mi de'i sdig pa'i rnam par smin pa yang de dang 'dra ste/ nyes pa thams cad de'i lus
68a7 la 'dra'o/ / dper na ri rab lhun po ni bskal pa'i me byung na/ lhag ma mi lus par tshig pa dang 'dra bar/ de yang sems can dmyal ba'i mes 'tshog nas lhag ma mi lus pa yang de dang 'dra'o//
iiif viewer powered by OpenSeadragon
Texts on this page
S281 - mdzangs blun zhes bya ba'i mdo