| e-texts navigator |
| བོད་ཡིག |
38b1 brjod kyis mi lang ngo / / de'i tshe na dge 'dun mang po grong rgyu zhing gshegs pa las/ de'i tshe grong khyer na gnas pa'i khyim bdag mang pos dge 'dun spyan drangs te mchod pa rnam pa sna tshogs byas
38b2 so/ / de'i tshe na mi dbul po zhig dad pas rjes su yi rang ba'i sems skyes kyang / longs spyod dang mchod pa'i yo byad ci yang med pas/ rde'u dkar po la byas pa'i nor bu spar gang gis
38b3 dge 'dun la gtor nas smon lam chen po btab bo/ / bcom ldan 'das kyis/ kun dga' bo la bka' stsal pa/ de'i tshe de'i dus na mi dbul po nor bu spar gang gis dge 'dun la
38b4 gtor ba de ni dge slong lha'i rin chen 'di yin no/ / 'das pa'i dus na bsam pa dag pa'i dad pas rde'u dkar po'i nor bu spar gang gis dge 'dun la gtor ba tsam gyis/ bskal pa dgu
38b5 bcu rtsa gcig gi bar du bsod nams tshad med pas nor bu rin po che mang ba dang / bgo ba dang / bza' ba lhun gyis grub cing longs spyod ces kyang mi brel bar gyur to// de'i tshe na bsam
38b6 pa dag pa'i dad pa tsam gyis ni/ nga 'jig rten du gshegs pa dang phrad nas 'bras bu'i bar du thob par gyur te/ de'i tshe na 'khor mang po rnams sangs rgyas kyis gsungs pa thos nas bsam
38b7 pa dag pa'i dad pa skyes te/ la la ni 'bras bu dang po nas/ 'bras bu bzhi'i bar du thob par gyur to// la la ni phyir mi ldog pa'i sa la gnas pa'i sems bskyed par gyur to// 'khor
iiif viewer powered by OpenSeadragon
Texts on this page
S281 - mdzangs blun zhes bya ba'i mdo