| e-texts navigator |
| བོད་ཡིག |
37a1 ba der song ste pus mo sa la btsugs nas/ bcom ldan 'das 'di skad ces gsol to// dge slong lha'i me tog 'dis sngon bsod nams ci zhig bgyis na/ lha'i
37a2 me tog rang 'bab cing / rin po che'i gdan dang zhal zas sna tshogs yid bzhin du sprul pa/ bcom ldan 'das kyis bstan du gsol/ bcom ldan 'das kyis/ kun dga' bo la
37a3 bka' stsal pa/ thos par 'dod na legs par nyon cig/ sngon 'das pa'i dus na sangs rgyas gser thub ces bya ba 'jig rten du gshegs te/ sems can gyi don rgyas par mdzad
37a4 do/ de'i tshe na dge 'dun mang po grong rgyu zhing gshegs pa las/ khyim bdag rigs che zhing mtho ba dag gis mchod pa byas so// de'i tshe na mi dbul po zhig longs spyod ci yang mi bdog
37a5 pas dge 'dun de dag la rab tu dga' ba'i sems skyes te/ bdag gis ni cis kyang mchod do yang med do snyam nas/ spang dang ne'u las me tog rnam pa sna tshogs btus te/ dge
37a6 'dun la gtor nas bsam pa dag pas phyag byas te song ngo / / bcom ldan 'das kyis/ kun dga' bo la bka' stsal pa/ de'i tshe de'i dus na mi dbul po me tog gis gtor ba de ni//
37a7 dge slong lha'i me tog 'di yin no// de ltar 'das pa'i dus na bsam pa dag pa'i dad pas me tog bsdus te dge 'dun la gtor nas/ smon lam btab pas bskal pa dgu bcu rtsa gcig
iiif viewer powered by OpenSeadragon
Texts on this page
S281 - mdzangs blun zhes bya ba'i mdo