rKTs

e-texts navigator

Volume

Page

33b₁ phyogs su byung ba dang / nam mkha' stong pa la nyal ba dang 'dug pa la sogs pa'i cho 'phrul rnam pa sna tshogs bstan te/ khyim de'i mi thams cad kyis cho 'phrul de mthong bar byas nas nam mkha'
33b₂ las babs te/ de'i khyim du gshegs so// khyim bdag de yang lhag par rab tu dga' mgu rangs par gyur/ bu mo de yang shin tu 'gyod pa skyes nas/ rang sangs rgyas de la 'di skad du bdag
33b₃ gis sngar kha na ma tho ba'i nongs pa yang dang yang bgyis pa bdag gi dngos sdig tu mi 'gyur bar 'gyod tshangs gsol nas/ rang sangs rgyas des kyang 'gyod tshangs bya bar gnang ngo // bcom ldan
33b₄ 'das kyis bka' stsal pa/ rgyal po chen po de'i tshe de'i dus na/ bu mo de ni da ltar gyi rgyal po'i bu mo 'di yin te/ de'i tshe mi dge ba'i sems kyis 'phags pa rang sangs rgyas la smad pa'i
33b₅ ngag gi nyes pas/ de phyin chad rtag tu mi sdug pa'i lus myong bar gyur to// phyis cho 'phrul mthong nas 'gyod pas ni phyir yang mnga' byad mdzes shing bzang ba dang blo dang ldan par gyur to//
33b₆ rang sangs rgyas la mchod pa byas pas gang nas gang du skyes kyang / rigs che zhing longs spyod 'byor pa dang / mthar rnam par grol bar gyur to// de bas na rgyal po chen po ji tsam du sems
33b₇ can gyi rigs su gtogs pa thams cad ni/ lus dang ngag gi nyes pa shin tu bsrung zhing gzhan la brnyas pa dang smad par mi bya'o// de'i tshe na rgyal po gsal rgyal 'khor dang bcas pa dang /

_{iiif viewer powered by OpenSeadragon}

33a - 34a

Texts on this page