| e-texts navigator |
| བོད་ཡིག |
244b1 mang po'i rnams rjes su yi rang ste mngon par dga' 'o/ / ngang pa lnga brgya lhar skyes pa'i le'u ste bzhi bcu rtsa brgyad pa'o// / seng ge yi dam brtan zhes bya ba'i le'u'o//
244b2 'di skad bdag gis thos pa dus gcig na/ bcom ldan 'das rgyal po'i khab bya rgod spungs pa'i ri la bzhugs so// de'i tshe na lha sbyin gyis bcom ldan 'das la rtag tu ngan sems bskyed nas
244b3 de bzhin gshegs pa med par byas la/ lha sbyin nyid sangs rgyas yin no zhes bsgrags pa'i phyir/ rgyal po ma skyes dgra pha gsod du bcug nas/ sangs rgyas sar pa dang / rgyal po sar
244b4 pas yul gyi sring bcas na ma legs sam zhes smras pa/ rgyal po ma skyes dgras mnyan te pha bsad nas bdag nyid rgyal por bzhugs so// de'i tshe yul mi dag dge slong kun la ngan sems
244b5 skyes nas mthong yang mi 'dod par gyur to/ / dus gzhan zhig na dge slong dag grong du bsod snyoms slong du song song ba las/ yul mi dag khros te gtam yang ma ster nas/ lhung bzed
244b6 stong par phyir log ste bya rgod spungs pa'i ri la phyin nas/ bcom ldan 'das la 'di skad ces gsol to// lha sbyin gyis sdig pa mi dge ba'i las bgyis pas/ yon bdag kun dge slong la
244b7 ngan sems skyes so zhes gsol pa dang / bcom ldan 'das kyis/ kun dga' bo la 'di skad ces bka' stsal to// sems can gang zhig dge sbyong ngur smrig gyon pa la ngan sems bskyed na/
iiif viewer powered by OpenSeadragon
Texts on this page
S281 - mdzangs blun zhes bya ba'i mdo