| e-texts navigator |
| བོད་ཡིག |
234a1 des gling bzhi la lo stong phrag bzhi bcu'i bar du dbang byas te/ nyin zhag bdun gyi bar du rin po che yang char bzhin bab/ lha'i ris gnyis su phyin kyang cho ga ma shes pas
234a2 nam mkha' las lhung ste tshe 'phos so zhes byos shig/ de bas na dge slong dag rnyed pa dang grags pa ni yang dag par nyes pa'i skyon chen po ste/ ci nas kyang ring du spangs par soms la/ yang dag
234a3 par byang chub la nan tan gyis shig/ de nas kun dga' bos/ bcom ldan 'das la 'di skad ces gsol to// rgyal po spyi bo skyes de sngon bsod nams ci zhig bgyis na 'di lta
234a4 bu'i 'bras bu chen po thob par gyur/ bcom ldan 'das kyis bka' stsal pa/ sngon 'das pa'i bskal pa grangs med bsam gyis mi khyab pa 'das pa'i pha rol na/ sangs rgyas pur sha zhes bya ba
234a5 'jig rten du gshegs te/ 'khor dang bcas su 'jig rten gyi don mdzad do// de'i tshe bram ze'i bu zhig chung ma len snyam ste/ 'jig rten pa'i chos kyis chung ma len na/ sran ma spar gang
234a6 blangs te gtor ba'i rigs so/ / khye'u de yang sran ma thogs te 'thor du song song ba las/ lam du bcom ldan 'das dang phrad nas sems yid dga' ste/ lag na sran ma thogs pa dag bcom ldan
234a7 'das la gtor ba dang / 'brum bu bzhi lhung bzed kyi nang du song ngo // 'brum bu gcig ni dbu'i spyi bor chags so// bsod nams kyi rgyu dang rkyen de tsam gyis bsod nams chen po thob ste/ sran
iiif viewer powered by OpenSeadragon
Texts on this page
S281 - mdzangs blun zhes bya ba'i mdo