| e-texts navigator |
| བོད་ཡིག |
231a1 thams cad der byung bar gyur nas/ gser gyi 'khor lo dang / glang po rin po che dang / rta rin po che dang / bud med rin po che dang / blon po rin po che dang
231a2 khyim bdag rin po che la sogs pa thams cad 'dus nas gling bzhi la dbang byed pa'i 'khor los sgyur ba'i rgyal por gyur te chos bzhin du srid 'tshe'o/ / de nas mi mang po dag sa rko zhing zhing rmod pa mthong
231a3 nas blon po rnams la 'di dag ci byed ces bka' stsal pa dang / smras pa/ ji tsam du srog dang bcas pa thams cad zas kyis 'tsho bas/ 'di dag ni zhing rmos nas 'tsho bar byed do// de nas rgyal
231a4 bos 'di skad ces smras so/ / gal te nga la rgyal por 'gyur ba'i bsod nams kyi dbang thang zhig yod na/ las bya mi dgos par ro brgya dang ldan pa'i zas rang yod par gyur te/ thams cad chog cing
231a5 'grangs nas bkres pa dang / skom pa med par gyur cig ces smras so// de skad ces smras ma thag tu bza' ba dang btung ba yod par gyur to// de nas yang 'chag tu song song ba las/ tha ga
231a6 ma dag cig 'khal ba dang 'thag pa dag mthong nas/ 'di dag ci byed ces dris pa dang / smras pa/ kha zas ni rang yod par gyur na/ lus rgyan pa'i gos med de/ 'di dag ni bgo ba'i
231a7 gos byed do/ / de nas rgyal pos yang 'di skad ces smras so// gal te bdag la rgyal por 'gyur ba'i dbang thang zhig yod na/ bgo ba'i gos rang yod par gyur te/ dbul 'phongs pa
iiif viewer powered by OpenSeadragon
Texts on this page
S281 - mdzangs blun zhes bya ba'i mdo