| e-texts navigator |
| བོད་ཡིག |
230a1 'gyur ro/ / de bas na ngas mngon du dran pa sngon 'das pa'i dus na 'dod pa'i dbang gis ltung bar gyur te sdug bsngal mang po myong ngo // de nas kun dga'
230a2 bos pus mo sa la btsugs te thal mo sbyar nas/ bcom ldan 'das la 'di skad ces gsol to// sngon bcom ldan 'das 'dod pa la chags pa'i dbang gis lhung bar gyur pa ji lta bu lags
230a3 bcom ldan 'das kyis bka' stsal pa/ sngon 'das pa'i bskal pa tshad med mtha' yas bsam gyis mi khyab dpag tu med pa grangs med pa'i pha rol na/ 'dzam bu'i gling 'dir rgyal po chen po gu
230a4 sa li zhes bya ba/ 'dzam bu'i gling gi rgyal phran brgyad khri bzhi stong la dbang byed de/ btsun mo dang pho brang slas ni stong phrag nyi shu yod do// blon po chen po ni stong phrag bcu yod do// dus gzhan
230a5 zhig na rgyal po'i spyi bo la sgo nga 'dra ba'i chu bur gcig byung ste/ gsal ba yongs su dag pa na tsha med pa'o// bags kyis je tshe je cher skyes te ku ba tsam du gyur pa dang / bkas na nang nas khye'u
230a6 blta na sdug pa/ mtshan dang ldan pa/ sgra mthon mthing du 'dug pa/ lus kyi mdog gser lta bur snang ba gcig byung bar gyur te/ mtshan mkhan gyis bltas nas/ bu 'di ni ngo mtshar
230a7 che ba'i yon tan gyi mtshan dang ldan te/ gdon mi za bar 'khor los sgyur ba'i rgyal por 'gyur zhing gling bzhi la dbang bar 'ong ngo zhes smras nas/ khye'u'i ming yang spyi bo skyes zhes btags so//
iiif viewer powered by OpenSeadragon
Texts on this page
S281 - mdzangs blun zhes bya ba'i mdo