| e-texts navigator |
| བོད་ཡིག |
22b1 khrims bsrungs pas tshe'i dus byas nas gnas lhan cig tu lhar skyes te/ mdang nam gyi cha stod la nga'i spyan sngar 'ongs te ci rigs par chos bstan pas/ rgyun du zhugs pa'i 'bras bu
22b2 thob nas ngan song gsum dang yongs su bral te/ lha dang mi'i longs spyod myong zhing mthar mya ngan las 'da' ba'i bar du thob par 'gyur ro// bcom ldan 'das kyis de skad ces gsungs
22b3 pa la 'khor mang po thams cad yi rangs nas mngon par dga' 'o/ / kun tu rgyus tshul khrims bsrungs pa'i le'u ste gsum pa'o// // lus btsongs te mchod pa byas pa'i
22b4 le'u 'o/ 'di skad bdag gi thos pa dus gcig na// bcom ldan 'das mnyan yod na rgyal bu rgyal byed kyi tshal mgon med zas sprin gyi kun dga' ra ba na bzhugs so// de'i tshe na yul de na
22b5 khyim bdag cig la khye'u zhig bcas nas/ khye'u de dbyibs legs shing blta na sdug pa bzang ba zhig ste/ btsas nas ring por ma lon par smra yang shes so// khye'u des pha ma la bcom
22b6 ldan 'das da ltar bzhugs sam zhes dris pa dang / da ltar bzhugs so zhes smras so// 'o na btsun pa shA ri'i bu dang / kun dga' bo la sogs pa bzhugs sam zhes dris pa dang //
22b7 de yang bzhugs so zhes smras so// khye'u de'i pha mas bu btsas ma thag pa zhig smras pa la/ 'di ni mi ma yin no snyam ngo mtshar ya mtshan du gyur pas/ bcom ldan 'das la zhus so// bcom ldan
iiif viewer powered by OpenSeadragon
Texts on this page
S281 - mdzangs blun zhes bya ba'i mdo