rKTs

e-texts navigator

Volume

Page

225b₁ ltar gyur pa rgyas par gsol nas/ bcom ldan 'das kyis legs par 'ongs so zhes bka' stsal pas/ skra dang kha spu rang byi ste dge slong du gyur to// de la bcom ldan 'das kyis
225b₂ bden pa bzhi'i chos ci rigs par bstan pas dgra bcom par gyur to/ / dge slong glang po skyong yang dge slong grogs gzhan dang lhan cig gang na 'dug kyang rung ste/ gser gyi glang po che rtag tu drung na
225b₃ 'dug go/ / de'i tshe na yul ma nyan du yod pa na 'khod pa'i mi rnams kyis gser gyi glang po che blta ba'i phyir mi thams cad der 'du bar gyur nas/ rnal 'byor spyod pa la 'du 'dzi mang bar gyur
225b₄ te/ dge slong dag gis/ bcom ldan 'das la gsol nas/ bcom ldan 'das kyis de'i phyir/ dge slong glang po skyong la 'di skad ces bka' stsal to// khyod kyi glang po che la lha
225b₅ ba mang po 'du bas mi dben par gyur gyis myur du spongs shig ces bka' stsal pa dang / glang po skyong gis gsol pa/ bdag gis kyang thog ma nas spang bar bsams na 'grer ma
225b₆ btub bo/ / bcom ldan 'das kyis yang bka' stsal pa/ khyod glang po che la lan gsum 'di skad ces smros shig/ nga ni skye ba'i phyogs zad der phyin chad mi dgos so zhes sgo zhig rang med
225b₇ par 'gyur ro/ / glang po skyong gis kyang bcom ldan 'das kyi bka' bzhin du glang po che la da ni mi dgos so zhes lan gsum gyi bar du smras pas/ gser gyi glang po che yang sa'i nang du

_{iiif viewer powered by OpenSeadragon}

225a - 226a

Texts on this page