| e-texts navigator |
| བོད་ཡིག |
224a1 mtshan dang ldan pa zhig go/ / khye'u de thog ma btsas pa na bang mdzod kyi nang nas gser gyi glang po'i phrug gu zhig rang byung ngo // khye'u'i pha ma des de lta bu byung ba mthong
224a2 nas rab tu dga' ste mtshan mkhan la bstan nas/ mtshan mkhan gyis kyang khye'u 'di bsod nams kyi mtshan dang ldan par rtogs te/ khye'u 'di thog ma btsas pa na ngo mtshar che ba'i lhas ci
224a3 byung zhes dris so/ / khye'u'i pha mas smras pa/ khye'u 'di btsas pa na mdzod kyi nang nas gser gyi glang po che'i phrug gu gcig rang byung ngo zhes spras pa dang / khye'u'i ming yang glang po skyong
224a4 zhes btags so/ / khye'u ji tsam du cher skyes pa bzhin/ gser gyi glang po che'i phrug gu yang skyes te/ khye'u 'gro na glang po che'i phrug gu yang 'gro ste/ rtag tu 'grogs so// glang
224a5 po che'i phrug gu'i gcin rtag kyang gser du 'byung ngo / / glang po skyong cher skyes nas khyim bdag gi bu lnga brgya tsam dang rtag tu lhan cig rtse ste gcig la gcig yid gcugs pas/ phyi zhig na bus
224a6 pa de dag so so nas khyim khyim na ngo mtshar che ba ci yod pa'i gtam byas pa dang / de la kha cig ni nga'i khyim na khri stan dang nyal ba'i mal cha la sogs pa thams cad rin po che sna bdun las byas so//
224a7 zhes zer ro// kha cig ni nga'i khyim dang skyed mos tshal la sogs pa thams cad kyang rin po che zhes zer ro// kha cig ni nga'i bang mdzod rtag tu rin po che dam pas yongs su gang ngo zhes zer te/
iiif viewer powered by OpenSeadragon
Texts on this page
S281 - mdzangs blun zhes bya ba'i mdo