rKTs

e-texts navigator

Volume

Page

222b₁ ma thag tu khyim bdag de yang sangs rgyas gang na bzhugs pa der song nas phyin pa dang / sangs rgyas kyi sku la brtags na rgyal po kun pas kyang shin tu lhag par mthong nas dga' mgu rangs
222b₂ te/ mgo bos phyag 'tshal nas snyun gsol to// de la bcom ldan 'das kyis ci rigs par chos bstan pas/ khyim bdag de yang rgyun du zhugs pa thob par gyur te/ de pus mo
222b₃ gnyis sa la btsugs nas bcom ldan 'das la rab tu 'byung bar gsol to/ / bcom ldan 'das kyis kyang legs par 'ongs so zhes bka' stsal pa dang / skra dang kha spu rang byi ste dge slong
222b₄ du gyur to/ / de nas yang bden pa bzhi'i chos ci rigs par bstan pas sems kyi dri ma yongs su dag ste dgra bcom par gyur to// de nas kun dga' bo dang 'khor mang po'i rnams
222b₅ kyis bcom ldan 'das la 'di skad ces gsol to/ / dge slong ngan byi li 'di bsod nams ci zhig bgyis na mi'i nang du skyes la/ lha'i longs spyod dang ldan yang khyim la ma chags te//
222b₆ rab tu 'byung bar dga' nas de ma thag tu 'bras bu thob par gyur/ bcom ldan 'das kyis/ kun dga' bo la bka' stsal pa/ shin tu legs par nyon cig/ sngon 'das pa'i bskal
222b₇ pa dgu bcu rtsa gcig 'das pa'i pha rol na/ sangs rgyas rnam par gzigs pa zhes bya ba 'jig rten du gshegs te/ sangs rgyas de mya ngan las 'das nas gzugs brnyan la chos spyod pa'i tshe//

_{iiif viewer powered by OpenSeadragon}

222a - 223a

Texts on this page