rKTs

e-texts navigator

Volume

Page

220b₁ du gyur te/ bang mdzod mang po yang thams cad yongs su gang nas ci yang yod par gyur to// de'i tshe rgyal po'i sras bai DUR+Ya zhes bya ba tsha ba'i nad kyis btab ste/ sman pas sman dpyad byas
220b₂ nasman du gor shir sha tsan dan gyis lus bskus na 'tsho'o zhes smras te/ rgyal pos yul mi la 'di skad ces bkar btags so// khyed su la gor shir sha tsan dan yod na rgyal po la phul
220b₃ cig dang / bya dgar gser srang stong sbyin no zhes kun tu bsgo na/ gcig tsam la yang ma byung ngo // de'i tshe na gcig gis rgyal po la 'di skad ces smras so// yul ko sa lar khyim bdag ngan
220b₄ byi li'i khyim na mang du yod do zhes spras pa dang / rgyal po nyid rta'i theg pa la zhon te tsan dan slong du chas so// khyim bdag de'i sgor phyin pa dang / khyim bdag de'i sgo na sgo srung dag gis rgyal
220b₅ po gsal rgyal 'dir gshegs te/ da ltar phyi rol na bzhugs so zhes smras pa dang / khyim bdag de rab tu dga' nas sgor byung ste rgyal po nang du bsus so// rgyal pos sgor phyin te bltas
220b₆ na sgo nyid kyang dngul las byas te/ sgo'i nang rol na bud med mdzes shing sdug pa 'jig rten na zla med pa zhig dngul gyi khri la 'dug ste dngul gyi skud pa 'khal lo// drung na na cung bzang mo bcu yang
220b₇ g.yog byed de/ rgyal pos de mthong nas khyim bdag la 'di khyod kyi chung ma yin nam zhes dris na/ ma yin te sgo srung ba'i bran mo yin no zhes smras so// 'o na na cung bzang mo 'di dag ci la

_{iiif viewer powered by OpenSeadragon}

220a - 221a

Texts on this page