rKTs

e-texts navigator

Volume

Page

217b₁ cher skyes nas rab tu 'byung ba la dga' bar 'gyur ro zhes bka' stsal to// bram zes de skad ces bka' stsal pa thos nas rab tu dga' mgu rangs te/ bu yod par gyur na lha rab tu
217b₂ byung yang bla ste/ sdug bsngal med do zhes smras nas/ bcom ldan 'das dang dge slong gi dge 'dun rnams bshos la gshegs par spyan drangs pa dang / bcom ldan 'das kyis cang
217b₃ mi gsung bar gshegs su gnang ste/ phyid nyin gdugs tshod la bab nas/ sangs rgyas dang dge 'dun bcas su bram ze de'i khyim du gshegs nas/ gdan bting ba la bzhugs te/
217b₄ bram ze khyo shug gis bsti stang dang bcas pas bsod snyoms gsol to// bsod snyoms gsol nas sangs rgyas dang dge 'dun bcas su slar gshegs pa dang / de'i bar na ne'u gsing
217b₅ zhig yod de/ chu mig shin tu gtsang ma zhig yod pa la/ bcom ldan 'das dang dge slong gi dge 'dun rnams mnyel ba shol te/ so so nas chu mig de la bcus nas lhung bzed dang rkang
217b₆ lag bkrus so/ / de nas spre'u zhig der 'ongs te/ kun dga' bo las lhung bzed blangs pa dang / bcag gis dogs pas kun dga' bos lhung bzed ma ster ba las/ bcom ldan
217b₇ 'das kyis kun dga' bo lhung bzed spre'u la byin ces bka' stsal to/ / de nas kun dga' bos lhung bzed spre'u la byin pa dang / spre'us shing ka nas sbrang rtsi blangs te lhung bzed bkang

_{iiif viewer powered by OpenSeadragon}

217a - 218a

Texts on this page