| e-texts navigator |
| བོད་ཡིག |
211b1 gyi le'u 'o// 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i
211b2 tshe yul de na bram ze byin te lo shu sha zhes bya ba zhig yod de/ bram ze de'i chung ma de rab tu mi sdug cing mig gnyis kyang mi mthong ste/ mi mthong ba de la bu po ni med kyi/ bu mo bdun yod de
211b3 rab tu dbul 'phongs so/ / bram ze'i bu mo de dag kyang so sor bag mar btang ste/ phyis mag pa dag 'dus nas bram ze'i chung ma yang khro zhing gtum mo zhig ste/ bu mo dang mag pa dag
211b4 slong ba la khros nas bu mo dag kyang phyir ma la gshe'o/ / de'i tshe na zhing dag kyang brda ran nas/ khyim tshes la ba glang zhig brnyas te zhing thog tu song song ba las/ legs par ma bsrungs
211b5 pas stor to/ / de'i tshe byin te lo shu shas 'di snyam du bsams so// bdag gis sngon nyes pa ci zhig byas na/ khyim du 'ongs na ni chung mas rtag tu spyo zhing bu mo bdun dang mag pa
211b6 rnams kyis 'dug tu mi ster/ nga khyim tshes kyi ba glang brnyas na ni stor bar gyur te/ bdag gis btsal kyang ma rnyed na ji ltar bya snyam mya ngan gyis yi mug ste 'dug 'dug pa las/ rgyang
211b7 ma nas de bzhin gshegs pa shing drung na dbang po kun zhi zhing bde bar bzhugs pa mthong ngo / / bram ze des 'khar ba la skom tshugs bcas te rgyangs chad kyi bar du brtags nas yang
iiif viewer powered by OpenSeadragon
Texts on this page
S281 - mdzangs blun zhes bya ba'i mdo