| e-texts navigator |
| བོད་ཡིག |
20a1 gnyis ka byang chub kyi 'bras bu thob nas/ bcom ldan 'das kyi zhabs la mgo bos phyag 'tshal te/ phyir yang lha'i gnas su dong ngo // phyid nyin nas
20a2 langs ma thag tu kun dga' bos/ bcom ldan 'das la 'di skad ces gsol to// ma dang lha gnyis shig mchis te/ bcom ldan 'das la bsnyen bkur bgyis nas de'i lus
20a3 kyi 'od kyis kun tu snang zhing mdzes par bgyis pa 'di sngon las ci zhig bgyis na/ de lta bu'i 'bras bu thob par gyur ces gsol pa dang / bcom ldan 'das kyis/ kun dga' bo
20a4 la 'di skad ces bka' stsal to/ / sngon sangs rgyas 'od srungs mya ngan las 'das nas dam pa'i chos 'jig tu nye ba na/ bram ze gnyis shig nyin zhag gcig pa'i tshul
20a5 khrims brgyad mnos te/ de la gcig gis ni lhar skye bar shog cig ces smon lam btab bo// gcig gis ni rgyal por gyur cig ces smon lam btab nas phyir khyim du dong ngo //
20a6 de la gcig khyim du 'ongs nas chung mas zan la bos na/ khyos 'di skad ces smras so// bdag sangs rgyas kyi chos las phyi dro kha zas mi za ba'i khrims mnos kyis mi 'dong ngo // chung
20a7 mas spras pa/ khyod ni kun tu rgyu yin te/ bdag cag gi chos kyi tshul khrims yod na/ ci'i phyir ston pa gzhan gyi tshul khrims nod/ gal te bdag dang lhan cig zan mi zan
iiif viewer powered by OpenSeadragon
Texts on this page
S281 - mdzangs blun zhes bya ba'i mdo