| e-texts navigator |
| བོད་ཡིག |
202b1 gsod par byas so/ / de nas skyed mos tshal du dpung gi tshogs sbas nas/ rgyal po rdzing bur 'ongs pa'i tshe thams cad log nas bzung ste gsod par byas so// rgyal po skrag nas khyed
202b2 rnams ci byed ces smras pa dang / blon po rnams kyis 'di skad ces smras so// rgyal po ni chos bzhin mi byed do// 'dod chags kyis myos nas yul mi thams cad kyang rigs sun cing spa bab
202b3 ste/ bdag cag ma bzod ches nas khyod med par bya ste/ rgyal po mdzangs pa gzod btsal lo snyam mo// rgyal pos de skad ces thos nas skrag par gyur te/ blon po rnams la 'di skad
202b4 ces smras so/ / sngon chad ni bdag gis nyes pa bden gyis/ phyin chad de ltar mi bya na gtang du rung ngam mi rung zhes bsgo ba dang / blon po rnams kyis 'di skad ces smras so// gal te
202b5 gnam las kha ba nag po bab bam/ mgo la sbrul gdug pa skyes kyang mi btang gis ma smra zhig ces bsgo'o// rgyal pos de skad ces smras pa thos nas/ da ni gdon mi za bar gsad
202b6 do snyam ste/ khros nas blon po rnams la 'di skad ces smras so// nga sngon ri la 'dug ste 'jig rten la mi dga' ba las nan gyis rgyal por bcug ste da ni nga la gsod do// gar skyes gar
202b7 skyes kyang khyed dang phrad de khyed kyang ngas gsod par shog cig ces dam bcas so/ / de ltar dam bcas mod kyi/ 'on kyang ma gnang ste bsang ngo // rgyal po chen po de'i tshe de'i dus na rgyal
iiif viewer powered by OpenSeadragon
Texts on this page
S281 - mdzangs blun zhes bya ba'i mdo