| e-texts navigator |
| བོད་ཡིག |
181b1 la btsun mo dang pho brang sras nyi khri yod de/ rgyal bu ni lnga brgya snyed yod do// rgyal tshab ni tshul khrims bzang po zhes bya ste/ rgyal po de tshul bzhin du rgyal po byed pas/ thams cad la bu
181b2 gcig pa dang 'dra bar sems te/ rlung dang char dus las mi yol bas lo legs te thams cad bde skyid do// de nas rgyal po de dben pa zhig na 'di snyam du sems par gyur to// bdag ni
181b3 tshe snga ma'i bsod nams kyis mi'i rgyal por gyur te/ nor rin po che dang longs spyod chen po dang ldan zhing thams cad kyis ngag mnyan pa ni/ ji ltar rtswa 'jam po la rlung gis btab na/ phyogs
181b4 gcig tu nyal ba bzhin no/ / tshe 'di la yang phyi ma'i 'bras bu ma bskyed na sdug bsngal bar 'gyur te/ dper na zhing pa dag dpyid mang du rmos na/ ston yang mang du bsdur yod pas/ bdag
181b5 kyang tshe 'di'i dpyid sa bon ma btab na/ tshe phyi ma'i ston thog bsdur med pas/ da ni le lo bya bar mi rigs kyi bsod nams kyi zhing la sa bon rgyas par gdab bo snyam bsams nas/ blon
181b6 po la 'di skad ces bka' stsal to/ / nga'i dkor bang mdzod thams cad phyung la/ grong khyer gyi sgo dang lam srang mi mang po 'du ba'i gnas su thams cad spungs la/ 'gro ba mang po la sbyin
181b7 par bya'o/ / rgyal phran brgyad khri bzhi stong gi bang mdzod kyang thams cad la yid bzhin du byin cig ces bsgo nas/ gser gyi rgyal mtshan bsgreng / dril chen po bsgrags te/ 'dzam bu'i gling
iiif viewer powered by OpenSeadragon
Texts on this page
S281 - mdzangs blun zhes bya ba'i mdo