| e-texts navigator |
| བོད་ཡིག |
181a1 dge slong du gyur te/ ci rigs pa'i chos bstan pas dgra bcom par gyur to// 'khor mang po the tsom du gyur nas/ tshe dang ldan pa kun dga' bo
181a2 'dug pa las langs te thal mo sbyar nas/ bcom ldan 'das la 'di skad ces gsol to// bcom ldan 'das 'gro ba mang po'i don mdzad pa/ mdongs pa thams cad la thugs rje ba'i
181a3 nang na bram ze dmus long 'di la lhag par thugs rje che'o/ / bram ze mdongs pa gcig sha'i mig kyang thob la/ shes rab kyi mig kyang thob par gyur to// bcom ldan 'das kyis/
181a4 kun dga' bo la bka' stsal pa/ bram ze long ba 'di la dus 'di 'ba' zhig tu mig byin par ma zad de/ 'das pa'i dus na yang mig byin no// kun dga' bos gsol pa/ bcom
181a5 ldan 'das 'das pa'i dus na/ ji lta bur mig stsal ba legs par bstan du gsol/ bcom ldan 'das kyis bkab stsal pa/ sngon 'das pa'i bskal pa grangs med pa tshad med/
181a6 dpag tu med/ bsam gyis mi khyab pa'i pha rol na/ 'dzam bu'i gling 'dir yul pu ka la da zhes bya ba na/ rgyal po mig 'byed ces bya ba zhig yod do// rgyal po de brag dang rtsig pa
181a7 la yang thogs pa med par dpag tshad bzhi bcu tshun chad mthong bas/ mig 'byed ces bya bar btags te/ 'dzam bu'i gling gi rgyal phran brgyad khri bzhi stong kun la dbang byed do// rgyal po de
iiif viewer powered by OpenSeadragon
Texts on this page
S281 - mdzangs blun zhes bya ba'i mdo