| e-texts navigator |
| བོད་ཡིག |
180a1 na grong khyer gyi mi kun chos nyan du chas pa dang / grong de na bram ze long ba gcig cig lam ka na 'dug pa las mi mang po song ba las/ khyed myur bar gar 'dong zhes
180a2 dris so/ / mi rnams kyis smras pa/ khyod ni ma thos sam/ de bzhin gshegs pa 'jig rten du byung ste/ da ltar yul 'di na bzhugs shing chos ston to// de bzhin gshegs pa 'jig
180a3 rten du byung ba dang phrad par shin tu dka' bas/ bdag cag ni sangs rgyas la chos nyan du 'gro'o zhes smras so// bram ze de skad rnam pa brgyad la shin tu mkhas pa zhig ste/ skad phyung ba tsam
180a4 gyis dbang thang dang tshe ji tsam pa rtogs so/ / brgyad gang zhe na/ bya bang lta bu'i skad dang / khwa lta bu'i skad dang / skad 'dzer 'dzer po dang / glang po che'i skad dang / rnga'i skad dang /
180a5 'brug gi skad dang / dril skad dang / tshangs pa'i skad dang brgyad do// bya bang lta bu'i skad du smra ba ni khrel ltas med de/ byas pa drin du mi gzo'o// khwa lta bu'i skad du smra ba ni khro
180a6 zhing gtum la gsod pa la dga' zhing snying rje med do/ / skad 'dzer 'dzer po ni pho dag mo skad du smra ba dang / mo dag pho skad du smra ba ste/ de ni dbang thang med cing dbul ba dang ma rabs so//
180a7 glang po che'i skad du smra ba ni rang bzhin gyis drang zhing gnyen bshes la phan 'dogs par sems so// rnga skad du smra ba ni sgra mkhas blo myur la rig pa 'dzin te rgyal po'i ston pa'o// 'brug skad du sba ba
iiif viewer powered by OpenSeadragon
Texts on this page
S281 - mdzangs blun zhes bya ba'i mdo