rKTs

e-texts navigator

Volume

Page

17a₁ da ltar 'di 'ba' zhig gi dus su gsos par ma zad kyi/ sngon 'das pa'i dus na yang nga'i bka' drin gyis gsos so// kun dga' bos gsol pa/ bcom
17a₂ ldan 'das sngon 'das pa'i dus na yang ma smad gsum po 'di ji ltar gsos pa/ bcom ldan 'das kyis bstan du gsol/ bcom ldan 'das kyis/ kun dga' bo la bka' stsal pa/
17a₃ sngon 'das pa'i bskal pa grangs med pa'i snga rol na/ 'dzam bu gling 'di na rgyal po shing rta chen po zhes bya ba zhig yod de/ rgyal phran lnga stong snyed la dbang byed do// rgyal po de yang sras gsum
17a₄ mnga' ste/ rab ni sgra chen po zhes bya'o// 'bring ni lha chen po zhes bya'o// tha chung ni sems can chen po zhes bya ste/ sras tha chung de chung ngu nas byams pa dang snying rjer ldan te/ thams
17a₅ cad la bu gcig pa dang 'dra'o/ / de'i tshe rgyal po de blon po dang bcas/ btsun mo dang sras su bcas te phyi rol tu 'chag cing dong ba las/ cung zad cig ngal bso ba'i bar du sras gsum po
17a₆ tshal gyi nang du dong dong ba las stag mo gcig pu byung nas zhag du ma len pa bkres skom pas nyen te/ phyir yang bu zos la thug pa zhig mthong nas rgyal bu tha chung des/ phu bo gnyis la
17a₇ sprasmras pa stag mo 'di shin tu sdug bsngal gyis gzir te nyam chung la rid pas shi la thug pa 'di bu byung ma thag pa yang bos su 'ong ngo zhes smras pa dang / phu bo gnyis kyis khyod zer ba

_{iiif viewer powered by OpenSeadragon}

16b - 17b

Texts on this page