| e-texts navigator |
| བོད་ཡིག |
174b1 dang rta dang / gos dang / khang khyim dang / zhing 'brog dang / gser dngul dang / rin po che dang / bran po dang / bran mo dang / las byed pa'i mi la sogs te/ bya
174b2 dga' mang du byin nas/ rtse gcig tu bde zhing skyid par byas so// de nas rgyal po rin chen go cha'i pho nya yang der phyin nas/ rgyal po li shi bar gyis glang po che lnga brgya tsam rin po ches brgyan
174b3 te/ g.yog lnga brgya dang / bu mo'i g.yog gzhon nu lnga brgya dang / shing rta lnga brgya snyed kyang brdzangs/ rgyal po nyid kyang blon po dang bcas te/ 'khor brgya stong du mas rol mo
174b4 sna tshogs byas te bu mo bskyal to/ / pho nya slar phyin nas rgyal po rin chen go cha yang / btsun mo'i 'khor dang bcas te rgyal bu bsu'o// rgyal bu dang phrad pa'i tshe bzhon pa las babs
174b5 nas pha ma la phyag 'tshal te/ lag pa nas 'jus te bsnyun gsol nas/ rol mo byas te pho brang du song ngo // de nas rgyal bu dge don gyis sdig don ga re zhes smras pa dang /
174b6 da ltar btson du bzung ngo zhes smras so// de nas rgyal bu sdig don thong zhig ces gsol pa dang / nyes pa chen po byas kyis btang mi rung ngo zhes bsgo'o// de ltar rgyal bu sdig
174b7 don ma btang na/ bdag kyang pho brang du mi mchi'o zhes gsol nas/ sdig don yang btang ngo // de nas sdig don yang phu bo la phyag 'tshal zhing bsur 'ongs nas/ spun gnyis
iiif viewer powered by OpenSeadragon
Texts on this page
S281 - mdzangs blun zhes bya ba'i mdo