rKTs

e-texts navigator

Volume

Page

16b₁ zhing rab tu dga' ba skyes nas/ bcom ldan 'das gang na ba der song ste phyin pa dang / zhabs la spyi bos phyag 'tshal nas thal mo sbyar te/ bcom ldan 'das la 'di skad ces gsol to//
16b₂ bcom ldan 'das kyi bka' drin chen pos bdag cag gi tshe srog lhag ma tsam zhig lus par gyur na/ lha'i gtso bo thugs brtse bar dgongs te/ bdag cag chos la rab tu 'byung bar ci gnang
16b₃ zhes gsol pa dang / bcom ldan 'das kyis legs par 'ongs so zhes bka' stsal pas/ skra dang kha spu rang byi ste gos kyang ngur smrig tu gyur to// de dag shin tu dang po'i sems brtan
16b₄ par gyur nas/ bcom ldan 'das kyis ci rigs pa'i chos bstan pas rdul dang dri ma zad de dgra bcom par gyur to// de'i ma rgan mo yang chos thos pas lan cig phyir mi ldog pa thob par
16b₅ gyur to/ / de'i tshe kun dga' bos de lta bu'i dngos po ngo mtshar che ba dag mthong nas/ de bzhin gshegs pa ni yon tan de snyed cig mnga' 'o zhes bsgrags te/ yang 'di snyam du rgan mo ma
16b₆ slang gsum po 'dis sngon legs pa ci zhig bgyis na/ bcom ldan 'das dang phrad de nyes pa chen po las kyang thar la/ mya ngan las 'das pa'i bde ba thob nas/ lus gcig gis phan pa dang
16b₇ bde ba'i don thob pa legs so snyam bsams pa/ bcom ldan 'das kyis mkhyen nas/ kun dga' bo la 'di skad ces bka' stsal to// ma spang gsum po 'di ni ngas

_{iiif viewer powered by OpenSeadragon}

16a - 17a

Texts on this page