| e-texts navigator |
| བོད་ཡིག |
141b1 bram ze dbul po khyo shug gnyis yul de na shin tu phyug cing rin po che mang bar gyur to// rgyal pos kyang de bsod nams las gyur par shes nas blon por bcug ste/ shin tu phyug par gyur
141b2 bas lhag par bsod nams byed pa la dang po'i sems skyes te/ sangs rgyas dang dge 'dun spyan drangs nas mchod pa chen po byas so// de la bcom ldan 'das kyis chos bstan pas
141b3 sems rnam par grol te/ rgyun du zhugs pa'i 'bras bu thob bo// 'khor mang po dang kun dga' bo la sogs pa sangs rgyas kyis gsungs pa la rjes su yi rang nas mngon par dga' 'o//
141b4 bram ze mo bde ba'i le'u ste nyi shu dgu pa'o// // bam po brgyad pa// / sbyin pa chen po rgya mtshor zhugs pa'i le'u ni/ 'di skad bdag gis thos
141b5 pa dus gcig na/ bcom ldan 'das rgyal po'i khab bya rgod spungs pa'i ri la/ dge slong chen po'i dge 'dun brgya phrag phyed dang bcu gsum dang thabs cig tu bzhugs so// de'i tshe na bcom
141b6 ldan 'das kyis/ tshe dang ldan pa kun shes ko'u di n+ya la sogs pa la/ bsnyen bkur bya ba'i g.yog gcig dgos so zhes bka' stsal pa dang / de nas kun shes ko'u di n+ya stan las
141b7 langs te/ bla gos phrag pa gcig tu byas nas/ bcom ldan 'das ga la ba de logs su thal mo sbyar te phyag 'tshal nas/ bcom ldan 'das la bdag gis bsnyen bkur yid bzhin du bgyi
iiif viewer powered by OpenSeadragon
Texts on this page
S281 - mdzangs blun zhes bya ba'i mdo