| e-texts navigator |
| བོད་ཡིག |
139b1 pa'i dus na yang khur du sbrul khyer ba las sbrul gyis spyos te/ de la yang sems spang bas/ da yang dge slong rnams la sems spad ba yin no// kun dga' bo la sogs pa sangs rgyas
139b2 kyis gsungs pa la yi rang nas mngon par dga' bo/ / gser gyi bum pa'i le'u ste nyi shu brgyad pa'o// // bram ze mo bde ba'i le'u'o// 'di skad bdag
139b3 gis thos pa dus gcig na/ bcom ldan 'das rgyal po'i khab bya ka lan da ka gnas pa 'od ma'i tshal na dge slong grangs med pa dang thabs cig tu bzhugs so// de'i tshe yul de na bram ze shin
139b4 tu dbul zhing 'phongs pa ci yang mi bdog pa zhig yod de/ bram ze de 'phongs ches nas kun la ji ltar byas na/ tshe 'di nyid la longs spyod dang ldan par 'gyur zhes dris so// de la mi zhig
139b5 gis smras pa/ ci khyod mi shes sam/ sangs rgyas bcom ldan 'das zhes bya ba da ltar 'jig rten du gshegs te/ sems can thams cad la phan pa'i don mdzad do// de'i nye gnas
139b6 'od srungs chen po dang / mo'u 'gal ya na dang / shA ri'i bu dang / ma 'gags pa la sogs pa 'phags pa bzhi yang rtag tu dbul 'phongs pa la phan pa'i don byed kyis/ gal te/
139b7 khyod dad pa'i sems kyis 'phags pa de dag la zhal zas kyis mchod na/ 'phags pa de dag ni tshe 'di nyid la khyod ci dang ci 'dod pa de dang de dag dang ldan par mdzad do zhes smras so//
iiif viewer powered by OpenSeadragon
Texts on this page
S281 - mdzangs blun zhes bya ba'i mdo