| e-texts navigator |
| བོད་ཡིག |
131b1 bu bzhin du byams shing 'dug pa las/ yang kun tu rgyu gcig gis chung mar blangs te de dang lhan cig rtse dga' yongs su spyod pa las/ sems can dang ldan par gyur te/ zla ba tshang nas
131b2 bu 'byung du nye ba na/ khyim thab gzhan gyi khyim du chang la bos nas/ de'i 'og tu bdag bu btsas te sgo dam du bcad nas bu 'chir ba las/ khyim thab chang gis myos te sgo brdungs pa dang /
131b3 sgo 'byed pa med pas khros te sgo bcag nas nang du 'ongs pa dang / kho mo yang brdegs/ bdag gis bu btsas so zhes byas na/ bu yang bsad de mar gyi nang du brdos nas/ kho mo yang zar
131b4 bcug go/ bu'i sha za ma phod de ma zos pas/ yang brdegs nas nan gyis zar bcug go// zos pa'i 'og tu khyim thab kyang sangs nas/ bdag bsod nams med cing las ngan no snyam
131b5 bsams nas/ khyim thab dor te yul bA rA nA ser bros so// yul bA rA nA se'i phyi rol na shing zhig gi drung na 'dug pa las/ grong de'i khyim thab gzhon nu zhig gsar du chung ma tshe
131b6 'phos nas/ grong khyer de'i phyi rol tu chung ma'i rus bu sbas nas/ khyim bdag de chung ma de la chags pas/ rus bu'i drung na ngu zhing 'dug pa las/ bdag gi drung du 'ongs te/ kho mo
131b7 la khyod gcig pu ci byed ces dris so/ / kho mos kyang de bzhin du gtam byas pa las/ khyim bdag des skyed mos tshal du khrid de/ kho mo la chung ma bya'o zhes smras nas/ kho mos kyang de
iiif viewer powered by OpenSeadragon
Texts on this page
S281 - mdzangs blun zhes bya ba'i mdo