rKTs

e-texts navigator

Volume

Page

128a₁ cing chos thos pas/ thams cad kha zas kyis 'grangs par gyur te/ lus dang sems la gdung ba med cing sim par gyur nas/ thams cad snying rje'i sems skyes
128a₂ te/ sangs rgyas la bsnyen bkur byas pas yi dgas las rnam par grol nas lha dang mir skyes so// dud 'gro'i skye gnas su gtogs pa'i sems can rnams ni/ sangs rgyas kyi 'od gzer ro
128a₃ mthong bas 'dod chags dang zhe sdang gi sems zhi ste/ gti mug gis ldongs pa yang sad par gyur nas/ thams cad sangs rgyas la dga' zhing dad pas dud 'gro las rnam par grol te lha dang mir
128a₄ skyes so/ / sems can dmyal ba'i sems can la sangs rgyas kyi 'od gzer gyis reg pas/ grang ba ni dro bar gyur/ dro ba ni grang bar gyur/ sdug bsngal gyis gdungs pa yang rgyun chad par gyur te/
128a₅ lus dang sems rab tu dga' bas sangs rgyas la dad par gyur te/ sems can dmyal ba las thar nas lha dang mir skyes so// de'i tshe na rgyal po ka pi na chen po dang / gser sa'i rgyal phran rnams
128a₆ kyis rdzu 'phrul 'di lta bu dag mthong bas/ shin tu dad pa'i sems kyis babs shing dad pas rdul dang bral/ dri ma dang bral te/ chos la chos kyi mig rnam par dag par gyur to// rgyal phran
128a₇ khri brgyad stong rnams kyang sems tshim par gyur to/ / de ma thag tu sangs rgyas kyi rdzu 'phrul bsdus te/ phyir yang sangs rgyas kyi skur dge slong gi dge 'dun gyis mdun dang rgyab tu bskor te bzhugs par

_{iiif viewer powered by OpenSeadragon}

127b - 128b

Texts on this page