| e-texts navigator |
| བོད་ཡིག |
123b1 legs par nyon la yid la zung zhig ces bka' stsal nas/ kun dga' bos kyang de bzhin du bgyi'o// thos par 'tshal lo zhes gsol to// bcom ldan 'das kyis/ kun dga'
123b2 bo la bka' stsal pa/ sngon 'das pa'i dus na mi sum cu rtsa gnyis po 'di gcig la gcig dga' zhing bshes pa dang / yid gcugs par gyur nas/ de dag gros mthun par pha rol gzhan
123b3 gyi ba glang gcig brkus so/ / de'i tshe yul de na rgan mo dbul mo bu tsha yang med pa gcig yod do// ba glang rku ba'i rnams rgan mo de'i khyim du khrid de 'ongs nas/ bsad par byas pa dang
123b4 rgan mo yang dga' rangs nas/ shing la sogs te sha 'tshed pa'i yo byad sbyar to// mi de dag gis der ba glang gsod pa na/ ba glang de yang gsod par shes nas mdud par bzung ste/
123b5 khyed kyis dang bsad pas na ma 'ongs pa'i dus su yang / ji ste 'bras bu thob na yang mi gtang ste/ gsod par shog cig ces dam bcas ma thag tu ba glang de mi rnams kyis bsad nas
123b6 kha cig ni bcos kha cig ni bsregs te zos rgan mo yang ba glang gi shas 'grangs nas rab tu dga' ste/ sngan chad kyang de lta bu'i mgron cig 'ongs na/ deng las phan thogs pa
123b7 ni med do zhes smras so/ / de'i tshe de'i dus na ba glang de ni rgyal po rab gsal rgyal yin no// de'i dus na ba glang rku ba ni lha 'tshams ma'i bu sum cu rtsa gnyis po yin no// de'i tshe na rgan mo khyim
iiif viewer powered by OpenSeadragon
Texts on this page
S281 - mdzangs blun zhes bya ba'i mdo