rKTs

e-texts navigator

Volume

Page

46a₁ bcur zhugs pa/ phyir 'dums par byas pa'i sa phyogs ni 'di yin no// de nas lha mo de rgyal po zla 'od kyi rdzu 'phrul chen po de mthong nas/ rgyal po de la sems
46a₂ mgu ba chen po skyes te/ cang mi smra bar gyur to// de nas rgyal po zla 'od yang dag pa'i smon lam byed pa la zhugs te/ gang skyed mos tshal gyi tshogs na gnas pa'i lha dang / klu dang /
46a₃ gnod sbyin dang / dri za dang / mi 'am ci'i khyed rnams gson cig/ bdag skyed mos tshal 'dir rab tu gtong ba'i yang shin tu gtong ba rang gi mgo yongs su gtong ba'i gtong ba
46a₄ byed de/ bdag gi mgo yongs su gtong ba de yang rgyal po'i phyir ma yin/ mtho ris kyi phyir ma yin/ bdud kyi phyir ma yin/ tshangs pa'i phyir ma yin/ 'khor los sgyur ba'i
46a₅ yul gyi phyir ma yin gyi/ gzhan du na 'di ji ltar bla na med pa yang dag par rdzogs pa'i byang chub mngon par rdzogs par sangs rgyas nas/ sems can ma dul ba 'dul ba dang / ma rgal
46a₆ ba bsgral ba dang / ma grol ba dgrol ba dang / dbugs ma phyin pa dbugs dbyung ba dang / yongs su mya ngan las ma 'das pa yongs su mya ngan las bzla bar bya'o// bden pa dang bden
46a₇ pa'i tshig 'dis ngal ba 'bras bu dang bcas par gyur cig/ yongs su mya ngan las 'das nas kyang yungs kar gyi 'bru tsam gyi sku gdung byung bar gyur cig/ nor bu dang / rin po che'i

_{iiif viewer powered by OpenSeadragon}

45b - 46b

Texts on this page