| e-texts navigator |
| བོད་ཡིག |
43a1 mig gis/ zla ba chen po la 'di skad ces smras so// gang 'di zla ba chen pos shes par gyis shig/ nga la ni rin po che'i mgo rnams dgos pa med de
43a2 gser dang dbyig kyang dgos pa med kyi/ gzhan du na sa chen po skyong thams cad gtong ba 'di'i mgo slong ba'i phyir 'di'i thad du 'ongs so// de skad ces smras pa dang / blon po'i mchog
43a3 zla ba chen po dang / sa 'dzin gnyis lag pa 'gram pa la gtad de/ da ni dus kyis phyin to snyam nas/ shin tu sems pa la zhugs pas gnas par gyur to// de nas rgyal po zla 'od
43a4 kyis rnam pa de dag nye bar thos nas/ blon po'i mchog zla ba chen po dang / sa 'dzin gnyis pho nyas bos nas/ 'di skad ces smras so// bram ze de nga'i gan du khyer las shog cig/
43a5 ngas 'di la yun ring po nas mngon par 'dod pa'i yid la re ba yongs su rdzogs par bya'o// de skad ces smras pa dang / blon po'i mchog zla ba chen po dang / sa 'dzin gnyis po de yul
43a6 rmus pa de lta bu'i mchi ma'i gdong gis snying rje rje skad du smre sngags 'don cing smras pa/ lha byams pa'i bdag nyid can snying rje dang ldan pa/ sems can thams cad la mnyes
43a7 gshin pa/ yon tan dpag tu med pa/ phun sum tshogs pa dang ldan pa/ ye shes la mkhas pa/ lha'i mig dang ldan pa 'di mi rtag pa nyid kyi stobs nye bar gnas par gyur to//
iiif viewer powered by OpenSeadragon
Texts on this page
S255 - zla 'od kyi rtogs pa brjod pa