rKTs

e-texts navigator

Volume

Page

252a₁ ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo rigs kyi bu rgyal ba'i blo gros zhes bya ba bzod pa thob pa steng gi bar snang
252a₂ la ta la bdun tsam 'dug ste/ thal mo sbyar nas nga la phyag 'tshal ba lha brgya stong dag gis mchod pa byas pa 'di khyod kyis mthong ngam/ gsol pa/ bcom ldan 'das mthong ngo // bcom
252a₃ ldan 'das kyis bka' stsal pa/ kun dga' bo rigs kyi bu rgyal ba'i blo gros 'dri 'khor lo sgyur ba'i rgyal por gyur pa na/ sangs rgyas bye ba phrag bdun cu rtsa gnyis las dge ba'i rtsa ba
252a₄ bskyed de/ sangs rgyas bcom ldan 'das de dag thams cad bzhugs pa dang / yongs su mya ngan las 'das pa la yang mchod do// sangs rgyas bye ba phrag bdun cu rtsa gnyis las tshangs par
252a₅ spyod par spyad do/ / thams cad du yang dam pa'i chos yongs su bzung ngo // kun dga' bo rigs kyi bu rgyal ba'i blo gros 'di de phyin chad kyang de bzhin gshegs pa bgrang ba las 'das pa
252a₆ rnams mnyes par byed par 'gyur/ gus par byed par 'gyur/ bla mar byed par 'gyur/ phud dud du byed par 'gyur/ mchod pa byed par 'gyur/ tshangs par spyad pa la yang spyod par
252a₇ 'gyur/ sems can tshad med grangs med pa dag kyang byang chub tu yongs su smin par byed par 'gyur ro// de phyi ma'i dus na byang chub kyi phyogs kyi chos rnams bsags nas/ bskal pa grangs

_{iiif viewer powered by OpenSeadragon}

251b - 252b

Texts on this page