| e-texts navigator |
| བོད་ཡིག |
172b1 ji ltar bgyi ba dang / ji ltar gnas par bgyi ba dang / ji ltar bsgrub par bgyi ba bcom ldan 'das kyis bdag la de ltar legs par bstan du gsol/ de skad ces gsol pa dang /
172b2 bcom ldan 'das kyis/ tshong dpon gyi bu dpal dbyig la 'di skad ces bka' stsal to// tshong dpon gyi bu legs so legs so// khyod kyi rtog pa mdzes so// spobs pa dge'o//
172b3 tshong dpon gyi bu de'i phyir legs par rab tu nyon la yid la zung zhig/ las dang po pa'i byang chub sems dpas ji ltar bya ba dang / ji ltar gnas par bya ba dang / ji ltar bsgrub par
172b4 bya ba ngas khyod la bshad do/ / bcom ldan 'das legs so zhes gsol to// tshong dpon gyi bu dpal gyi dbyig bcom ldan 'das kyi ltar nyan pa dang / bcom ldan 'das kyis de
172b5 la 'di skad ces bka' stsal to/ / tshong dpon gyi bu las dang po pa'i byang chub sems dpas ni/ nyin gcig bzhin du snying thag pa rus pa'i khong nas yid la byas te/ sems
172b6 thams cad kyis bsams nas/ dus gsum du dkon mchog gsum la mchod pa dang / rim gro bya ba mi gtang bar bya'o// tshong dpon gyi bu gzhan yang las dang po pa'i byang chub
172b7 sems dpas ni/ snying thag pa rus pa'i khong nas yid la byas te/ sems thams cad kyis bsams nas/ dus gsum du dkon mchog gsum la skyabs su 'gro ba'i yi dam mi gtang
iiif viewer powered by OpenSeadragon
Texts on this page
S261 - 'phags pa dpal dbyig gis zhus pa zhes bya ba theg pa chen po'i mdo