rKTs

e-texts navigator

Volume

Page

240a₁ bur las de yid la mngon du 'gyur ro/ / rgyal po chen po de ltar rnam par shes pa tha ma 'gag cing skye ba'i char gtogs pa'i rnam par shes pa dnga'o// yang na ni lha'i nang du
240a₂ yang na ni mi'i nang du/ yang na ni sems can dmyal ba rnams su/ yang na ni dud 'gro rnams su/ yang na ni yi dgas rnams su 'byung bar 'gyur ro// rgyal po chen po rnam par shes pa dang po de 'gags
240a₃ ma thag tu/ gang la rnam par smin pa myong bar 'gyur ba mngon pa de dang skal ba 'dra ba'i sems kyi rgyud 'byung ngo // rgyal po chen po de la chos gang yang 'jig rten 'di nas 'jig rten pha rol tu 'pho ba'ang
240a₄ med la/ 'chi 'pho dang skye bar mngon pa'ang yod de/ rgyal po chen po de la gang rnam par shes pa tha ma 'gags pa de ni 'chi 'pho zhes bya/ gang rnam par shes pa dang po 'byung ba de ni skye ba zhes bya'o//
240a₅ rgyal po chen po rnam par shes pa tha ma 'gag pa'i tshe yang gang du'ang mi 'gro// rnam par shes pa dang po skye ba'i char gtogs par 'gyur ba'i tshe gang nas kyang mi 'ong ngo // de ci'i phyir zhe na/
240a₆ ngo bo nyid dang bral ba'i phyir ro// rgyal po chen po de la rnam par shes pa tha ma ni rnam par shes pa thams stong / 'chi 'pho ni 'chi 'phos stong / khas ni las kyis stong / rnam par shes pa
240a₇ dang po ni rnam par shes pa dang pos stong / skye ba ni skye bas stong la/ las rnams chung mi za bar mngon par yang yod do// rgyal po chen po rnam par shes pa dang po skye ba'i char gtogs pa 'gags

_{iiif viewer powered by OpenSeadragon}

239b - 240b

Texts on this page