| e-texts navigator |
| བོད་ཡིག |
98b1 byas pa'i rgyus na/ chom shod pa rnams kyis 'o ma ma rung ba'i lhag ma tsam zhig yod pa bzhin du/ mtho ris kyi bde ba cha shas tsam zhig thob ste/ longs spyod par byed la/ de dag gis pha ma la
98b2 phung dung du bya ba ji lta bu yin pa'ang mi shes/ gsum la skyabs su 'gro ba ji lta bu yin pa'ang mi shes/ gzhan gyi chung ma spang ba ji lta bu yin pa'ang mi shes/ rtag pa ji lta bu yin pa'ang mi
98b3 shes so/ / de la sangs rgyas kyi sprul pa ni mi rtag pa yin/ brdzun pa yin te/ des na 'jig rten pa rnams de bzhin gshegs pa mi rtag go// mi brtan no snyam du 'dzin te/ de bas na mi rtag pa'i
98b4 gnyen por de bzhin gshegs pa rtag go zhes bya ba la brtson par bya'o/ / rigs kyi bu de nas pa glang gi lhas de'i skal ba can gyi 'khor lo sgyur ba'i rgyal po 'jig rten du byung la/ chom shod pa de dag
98b5 gis kyang / 'khor lo sgyur ba'i rgyal po'i bsod nams kyi mthus der ba glang gcig kyang med par mi byed do// de nas nags na rgyu ba'i chom shod pa de dag gis ba glang gi lhas de bor nas de 'gro bar
98b6 'gyur ro/ / de nas 'khor lo sgyur ba'i rgyal po'i khyim bdag rin po ches/ ba glang gi lhas de nyams su len par 'gyur te/ khyim bdag rin po che des rang gi blos pa glang gi lhas de'i 'o ma'i de 'on
98b7 nyid kyi thabs shes par 'gyur la/ ba rnams kyi 'o ma'ang 'khor lo sgyur ba'i rgyal po'i bsod nams kyis nyis 'gyur du bzhor yod pa de bzhin du/ chos kyi 'khor lo sgyur ba'i sangs rgyas 'jig rten du
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo