| e-texts navigator |
| བོད་ཡིག |
94a1 'byin pa rlag par byed pa de bzhin du/ nga ni brlag par bya zhes mi zer mod kyi/ de dag nyid kyi chos ma yin pa'i 'bras bu mngon sum du smin par zad do// de bzhin
94a2 gshegs pa thams cad mkhyen pa ni/ de rnams kyi don du mi 'jigs pa sbyin zhing / 'od zer gcig gam/ gnyis gtong bar mdzad de/ gal te 'od zer des de dag la phog na ni 'chi bar
94a3 'gyur te/ der de bzhin gshegs pas ci byar yang med do// rigs kyi bu gzhan yang gal te khyod kyis brtag dka' ba lta bar nus pa blta nas/ ngas khyod la rgyu gzhan yang bstan par bya ste/ yul
94a4 so so na tshul khrims dang / cho ga dang / yon tan rnams tha dad pa yod la/ der de bzhin gshegs pa yongs su mya ngan las 'das pa'i 'og tu/ dge slong dag dam pa'i chos khol du 'byin par
94a5 'dod pa la/ rgyal pos ston pa med pa'i phyir gnod pa byed pa las/ rgyal po nga rgyal po gzhan gyis bzlog ste/ des mthu chung bar byas nas rgyal po de chos la gnas par gyur na/ rgyal po cig
94a6 shos de la bsod nams chen por 'gyur zhes nga smra'o/ / de ci'i phyir zhe na/ rgyal po cig shos kyi nyes pa chen po'i gzhi zhi bar byed pa'i phyir ro// rigs kyi bu gzhan yang dper na zhing ngam khyim du
94a7 dug shing ngam/ ste long skyes na/ rtsa nas dbyung dgos pa de bzhin du/ tshul khrims 'chal pa rnams dang / dam pa'i chos sun 'byin pa rnams bran bzhin du tshar bcad par ngas gnang ngo // gang
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo