| e-texts navigator |
| བོད་ཡིག |
92b1 bdag gis kyang chos bka' stsal pa yang dag par blang bar 'tshal na/ shes rab rgya che ba bskyed pa'i slad du/ bcom ldan 'das kyis bka' stsal du gsol/ bcom ldan 'das kyis mtshud pa med/
92b2 pa yongs su bshad du gsol/ bdag zhu bar 'tshal lo// bcom ldan 'das kyis bka' stsal pa/ rigs kyi bu nyon cig/ las gang gis kyang byang chub sems dpa' chen po che
92b3 ring bar gyur pa dang / las gang gis byang chub kyi rgyur 'gyur ba de/ gzung ba'i sems kyis nyon cig dang / las kyi 'bras bu des na/ byang chub kyi rgyu skye bar 'gyur ro// thos nas kyang gzhan dag/
92b4 la ston cig/ rigs kyi bu ngas kyang las de byas shing / gzhan dag la'ang bstan pas/ bla na med pa yang dag par rdzogs pa'i byang chub thob par gyur to// rigs kyi bu dper na mi la la zhig
92b5 bu gcig pa thar par bya ba'i phyir/ rgyal po'i btson ra'i nang du 'gro ba de bzhin du/ byang chub sems dpa' tshe ring bar 'dod pas kyang / sems can thams cad la bu gcig pa'i 'du shes bsgom
92b6 par bya'o/ / de ltar bsgoms na/ 'tshe ba thams cad spong bar 'gyur la/ byams pa chen po dang / snying rje chen po dang / dga' ba chen po dang / btang snyoms chen po dang ldan par 'gyur zhing
92b7 srog gcod pa spong bar 'gyur ba dang / chos spyod par 'gyur ro// rigs kyi bu gzhan yang sems can dpag tu med pa dag bslab pa'i gzhi la 'god par 'gyur/ dge ba bcu'i las kyi lam la'
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo