| e-texts navigator |
| བོད་ཡིག |
86b1 bar ma chud kyis/ rgyal po khyod kyi yul khams thams cad du bka' btags la/ sngon gyi sman pa de'i 'o ma'i dpyad gang yin pa de ni dug ha la ha la yin gyis/ su sman du 'o ma 'thung ba de mgo bo bcad do zhes
86b2 bka' gdags par gsol/ de ltar ma bgyis na sems can rnams dus ma yin pa'i 'chi bas 'chi bar 'gyur ro// bdag ni 'tsho bar 'gyur ba dang / nad ma mchis par 'gyur bar 'tshal te/ lha bdag
86b3 ni gsol ba de 'tshal lags so/ / de nas rgyal pos/ sman pa de la bka' stsal pa/ de ltar na gsol ba chung ngu zhig gsol te/ bka' gdags par bya'o zhes byas nas/ bka' yang
86b4 btags so/ / de nas bka' btags pa bzhin du/ thams cad du lugs su chud par gyur to// de nas sman pa des/ rgyal po de la yang 'di skad ces gsol te/ da dung yang lan gnyis
86b5 lan gsum gyi bar du/ de bzhin du bka' gdags par gsol zhes byas nas/ sman pa des ro mngar pa dang / sgyur ba dang / lan tshwa'i ro dang / tsha ba dang / bska ba dang / kha ba rnams kyis mi rnams
86b6 kyi nang sos par byas so/ / de nas re zhig na rgyal po nad kyis thebs nas/ sman pa de bkug ste bsgo ba/ nga ni shi la thug gis rgyal po'i rkyen dang 'tshal ba'i gsol pa ci 'dod pa khyod la sbyin no zhes byas so//
86b7 de nas sman pa des/ rgyal po de la gsol pa/ rgyal po chen po bdag ni brdzun du smra ba ma lags so// 'o ma ni bdud rtsi lags te/ khyod kyis zhal zas 'o ma dang sbyar ba gsol
iiif viewer powered by OpenSeadragon
Texts on this page
S179 - 'phags pa yongs su mya ngan las 'das pa chen po theg pa chen po'i mdo